ن لیگ کا منشور سراسر فریب پر مبنی ہے: میاں منظوروٹو

379690_362792607160900_1425807458_n

پیپلز پارٹی پنجاب کے صدر میاں منظور احمد وٹو نے کہا ہے کہ مسلم لیگ ن کا منشور سرا سر فریب پر مبنی ہیں۔

لاہور: میاں منظور احمد وٹو نے کہا کہ پنجاب میں ترانوے لاکھ افراد کو ملازمتیں دینے کے مواقع ہی نہیں پنجاب حکومت عوام کو انتخابی منشور کے نام پر دھوکہ دے رہی ہے۔ میاں منظور احمد وٹو نے کہا کہ مسلم لیگ ن کے انتخابی منشور کے نکات حقائق کے برعکس ہیں۔ عوام تصوراتی نعروں کے فریب میں نہیں آئیں گے۔ سرکاری وسائل مسلم لیگ ن کی انتخابی مہم کے لئے استعمال ہو رہے ہیں۔ انہوں نے کہا کہ نون لیگ کو عام انتخابات میں شکست سے کوئی نہیں بچا سکتا۔

میاں منظور احمد وٹو نے وزیراعلیٰ پنجاب کے اجالا پروگرام کو ان کے ناکام منصوبوں میں سے ایک اور ناکام منصوبہ قرار دیا ہے۔ انہوں نے کہا کہ ن لیگ کا انتخابی منشور معروضی حقائق سے متضاد عوام کیلئے ایک اور سبز باغ ہے مسلم لیگ ن قائدین کی جانب سے ہر خاندان کے ایک فرد کو سرکاری ملازمت دینے کا اعلان محض لالی پاپ اور کھلا دھوکہ ہے۔ پنجاب کے کم و بیش 93 لاکھ گھرانوں کیلئے 93 لاکھ سرکاری ملازمتوں کو نہ تو گنجائش ہے۔ شریف برادران کے پاس ایسا کون سا الہ دین کا چراغ ہے جس سے وہ اپنے نئے انتخابی نعرے کو عملی جامہ پہنا سکیں گے۔ انہوں نے کہا کہ شمسی توانائی لیمپس بانٹنے کے نام پر پنجاب کے حکمران تعلیمی فنڈز کا ناجائز استعمال کر رہے ہیں۔

اپنا تبصرہ بھیجیں