لانگ مارچ کیلئے فوج بلانے والے خود بھی لانگ مارچ کرچکے ہیں، یوسف رضا گیلانی

368012-pmgilaniafp-1335026127-385-640x480

ملتان: سابق وزیر اعظم اور پیپلز پارٹی کے سینئر رہنما یوسف رضا گیلانی نے کہا ہے کہ تحریک انصاف کے لانگ مارچ کے لئے فوج کو بلانے والے نواز شریف خود بھی لانگ مارچ کرچکے ہیں۔
ملتان میں میڈیا سے بات کرتے ہوئے یوسف رضا گیلانی نے کہا کہ لانگ مارچ کرنا تحریک انصاف کا حق ہے اور لانگ مارچ کے پیش نظر اسلام آباد میں فوج کو بلانے والے نواز شریف خود بھی لانگ مارچ کرچکے ہیں لہٰذا 14 اگست کو فوج طلب کرنے کا کوئی جواز نہیں۔ انہوں نے کہا کہ وکلا تحریک کے دوران مجھے بھی فوج بلانے کا مشورہ دیا گیا تھا لیکن میں تحریک کے دوران فوج اور عدلیہ میں تصادم نہیں چاہتا تھا اس لئے مشورہ نہ مانا، اب انتخابی دھاندلی کا معاملہ ہے جس کا فوج سے کوئی تعلق نہیں اور اگر فوج تعینات کی گئی تو سول معاملات میں اس کی مداخلت بڑھ سکتی ہے۔
یوسف رضا گیلانی کا کہنا تھا کہ کون کہتا ہے کہ انتخابات میں دھاندلی نہیں ہوئی، پورے ملک میں دھاندلی ہوئی لیکن مسائل کا حل سیاسی طریقے سے اور پارلیمنٹ کے اندر ہونا چاہئے سڑکوں پر نہیں
Source : Daily Express

کیٹاگری میں : News

اپنا تبصرہ بھیجیں