جمہوریت بچانے کیلئے مفاہمت کا راستہ اختیار کیا، آصف زرداری

عمران نیازی کو سمجھایا کہ قانون کو مضبوط کریں اور پارلیمان میں بیٹھ کر اپنے مسائل کا حل تلاش کریں،آصف زرداری۔ فوٹو؛ ایکسپریس نیوز
عمران نیازی کو سمجھایا کہ قانون کو مضبوط کریں اور پارلیمان میں بیٹھ کر اپنے مسائل کا حل تلاش کریں،آصف زرداری۔ فوٹو؛ ایکسپریس نیوز

لاہور: سابق صدر آصف زرداری نے کہا ہے کہ جمہوریت بچانے کیلئے مفاہمت کا راستہ اختیار کیا اور اس پر کاربند بھی ہیں۔
بلاول ہاؤس لاہور میں پیپلز پارٹی پنجاب کی مجلس عاملہ سے خطاب کرتے ہوئے سابق صدر آصف علی زرداری کا کہنا تھا کہ کارکن پارٹی کا اثاثہ ہیں، انہیں ہر سطح پر متحرک کیا جائے گا، انہوں نے کہا کہ وہ کارکنوں کے گلے شکوے اور تحفظات دور کرنے کیلئے خود چل کر ان کے پاس جائیں گے۔
انہوں نے پنجاب میں پارٹی کے ذمہ داران کو ہدایت کی کہ وہ صوبے میں جماعت کو متحرک کریں۔ آصف زرداری نے کہا کہ ان کا کسی سے مقابلہ نہیں، جمہوریت بچانے کیلئے مفاہمت کا راستہ اختیار کیا اور اس پر کاربند بھی ہیں، مفاہمت کا قطعی مقصد فرینڈلی اپوزیشن ہونا نہیں ہے۔ اجلاس سے پیپلز پارٹی پنجاب کے صدر میاں منظور احمد وٹو، تنویر اشرف کائرہ اور فائزہ ملک نے بھی خطاب کیا۔

Source: ARY

کیٹاگری میں : News

اپنا تبصرہ بھیجیں